ఒక రాతిమీద
ఒక చెరువుమీద
ఒక కొమ్మమీద
పక్షి ఎగురుతున్న దృశ్యం రాస్తాను
దూరాలు కనబడని లక్ష్యాన్ని
నిర్దేశించి మరీ ఎగరేసినట్టు రాస్తాను
రెక్కలు విదిల్చిన చోటల్లా
ఈకలు మొలిచినట్టు
పక్షి దాటిన మట్టిపైనంతా
నది నిద్రలేచినట్టు
ఆకాశమంతా సముద్రం చేతిలోని
పసిపాపడిలా కేరింతలు కొడుతున్నట్టు రాసేస్తాను
నది భుజంపై
మొలిచిన ఈకల తలలమీద
పక్షులు ఊపిరి అందుకుంటున్నట్టు రాస్తాను
మొదటి పక్షిని వదిలేసి
కొత్త పక్షులను ఎగరేసినట్టుగా ఇంకోక
దృశ్యాన్ని రాయగానే,
సమూహం ముందు నిలబెట్టి
నన్నెవరో హత్య చేసి నా ప్రాణాన్ని
ఎగరేస్తున్నారు
ఎగరడం తెలిసినవాణ్ణి
ఎగరడం మాత్రమే తెలిసినవాణ్ణి ఇంతకంటే ఏం చేస్తారు
ఒక చెరువుమీద
ఒక కొమ్మమీద
పక్షి ఎగురుతున్న దృశ్యం రాస్తాను
దూరాలు కనబడని లక్ష్యాన్ని
నిర్దేశించి మరీ ఎగరేసినట్టు రాస్తాను
రెక్కలు విదిల్చిన చోటల్లా
ఈకలు మొలిచినట్టు
పక్షి దాటిన మట్టిపైనంతా
నది నిద్రలేచినట్టు
ఆకాశమంతా సముద్రం చేతిలోని
పసిపాపడిలా కేరింతలు కొడుతున్నట్టు రాసేస్తాను
నది భుజంపై
మొలిచిన ఈకల తలలమీద
పక్షులు ఊపిరి అందుకుంటున్నట్టు రాస్తాను
మొదటి పక్షిని వదిలేసి
కొత్త పక్షులను ఎగరేసినట్టుగా ఇంకోక
దృశ్యాన్ని రాయగానే,
సమూహం ముందు నిలబెట్టి
నన్నెవరో హత్య చేసి నా ప్రాణాన్ని
ఎగరేస్తున్నారు
ఎగరడం తెలిసినవాణ్ణి
ఎగరడం మాత్రమే తెలిసినవాణ్ణి ఇంతకంటే ఏం చేస్తారు