ఒకానొక చిత్రం

1

ఇంత అడవిని మరికొంత పచ్చదనాన్ని

గీసినట్టు కాదేమో

2

పక్షిరెక్కలను

చెట్ల దేహాల్లోకి ముంచి

కాగితంలా

రెపరెపలాడుతున్న

మనిషి ఖాళీ అల్లోచనల్లోకి

అడవిని

ఒలకబోసినట్టుందని చెప్పగలగాలి

3

బతిమాలి చూడు

అడవినో

ఆ మయూరాన్నో

వానలాగా

నీ గుండెల్లో

నిప్పు రాజేసినంత నిర్మలంగా

నీక్కాస్త పచ్చదనం ఇచ్చేయగలవు

4

ఎక్కడో

సమూహాల్లో తిరిగి

ఆనవాల్లేమీ మిగలక పిగిలిపోయుంటావు

5

వెళ్ళు వెళ్ళు

లోలోపలికి వెళ్ళిపో

అందర్నొదిలి

నిన్ను నువ్వు అతికించుకో ఇపుడే

6

రోజూలా చీకటిని కాకుండా

ఈ రాత్రికి

అడవిని కంట్లో భద్రపరచుకొని

నిద్రపో

(వాడ్రేవు చిన్నవీరభద్రుడు గురువుగారు గీసిన ఒక చిత్రాన్ని చూసి)