వెతుకుతున్నా......
కాగితపు గీతల మధ్యలో
కలము కురిపించే కన్నీటిలో
బెరుకుగా.....
నడుస్తూ
మట్టిని స్పర్శిస్తూ లాలనగా
మబ్బులను మింగేస్తూ నాలోకి
సముద్రాన్ని దాచేసుకుని నాలోనే
పుస్తకాన్ని ప్రాణానికి ముడివేశా
అయినా దొరకవుగా............
అలలను ఒక్కోక్కటిగా విడదీశా
నక్షత్రాలను ఒక మూలకు ఊడ్చేశా
అక్షరాలను చీల్చీ చూశా
అయినా నిరాశేగా.........
అమ్మనడిగా ఒడిలోనో, కొంగు ముడిలోనో కట్టెసిందేమోనని
నాన్నను అడిగా మనసులోనో, గుండె గోడల వెనక దాచాడేమో అని
అక్క గుప్పిట్లో, అన్నయ్య జేబులో
చెల్లి పుస్తకాలలో, తమ్ముడి చేతిలో
ఎక్కడయిననూ లేవుగా.........
ఒంటరిగా కూర్చూని చేతికి తెలియకుండా కలం వెంట
కనురెప్పకు తెలియకుండా కంటి వెంట
ఏడ్చేస్తున్నా...........
అపుడు అమ్మ రహస్యంగా
చెప్పింది
"నీలో వెతికావా......."
21-03-2013
0 comments:
Post a Comment