నిలబడే ఉన్నారా.....
నిలబడేంత ఇష్టం ఉందా మీకు.....
ఆకాశం బరువుగా ఉంటే నిలబడగలరా...
భూమి మెత్తగా ఉంటే
నిలబడగలరా...
నిజం ఎదురుగా ఉంటే
నిశ్శబ్దంగా...........
అబద్దం మీ వెనకే ఉంటే
ధైర్యంగా............
ఒక కొత్త గొంతుక పిచ్చిగా
పరిమళిస్తుందేమో
ఒక కొత్త శ్వాస గంభీరంగా
అరుస్తుందేమో
ఒక కొత్త సువాసన చెవులపై
గుభాళిస్తుందేమో
అవును మరి
నేను మూర్ఖంగా మారిపోయాను
మీరు నన్ను వదిలేశారని ఇన్నాళ్ళుగా తెలియలేదుగా
మిమ్మల్ని సుగంధాలతో మోసి మూత వేసి
నేను చెత్తకుప్పని కావలించుకుంటాను.............
పారిపొండి...
నేను మంచితనపు మౌనాన్ని........
అరుస్తున్న నిశ్శబ్దాన్ని.............
11-02-2013 (ఒంటరిగా కూర్చుని )
0 comments:
Post a Comment