పాత జ్ఞాపకాన్నొకదాన్ని తోడుకున్నపుడు
ఎక్కడో లోపలివైపు నల్లగా బరువెక్కిన మేఘమొకటి
భళ్ళున పగిలి నువ్వు నేను కురుస్తామనిగానీ
వొకరి కళ్ళలో వొకరం ఎప్పుడో చచ్చిపోయామని ఇపుడు మళ్ళీ
ఎదురుపడి గుర్తుపట్టాలి అపరిచితంగానే...
కన్నీళ్ళతో తడిసిన పెదవొకటి మాట్లాడితేనో
నవ్వుతో నిండిన గుండె పలకరించేంత దూరంలోనుంటేనో
రాత్రిలా పొదువుకున్న కౌగిలొకటి చేరువైనపుడో
మొత్తంగా నాలాంటొక ప్రేమ నీలాగా ఎదురుపడితేనో
ఎన్నిసార్లైనా చచ్చిపోవడానికి నీ కళ్ళు కావాలనిపిస్తాయెందుకో...

వెళ్ళిపోయిన శ్వాసలా చరిత్ర మిగిలిపోయినపుడు
నువ్వునేను మళ్ళీ వొకసారి మాటల్ని ఒంపేసుకుంటే ఎంతబాగుండునో..