నువ్వంటే భయం
నిను వెలివేస్తున్నాను...
ప్రపంచపు చివరి మెట్టుపై నుండి
విసిరివేస్తున్నాను...
నడవడం రాని అడుగు నువు
క్రమశిక్షణ లేని కవాతు నీది
శిలతో మాట్లాడినట్లు
నిశితో కలిసినట్లు
అశ్రువులో కరిగినట్లు
ఒట్టి భ్రమ నాది
మట్టి బొమ్మ నువ్వు...
ఆర్భటపు ఆవిర్భావానివి
అనంతలోకపు
అంతానికి సంకేతానివి
చెరిగిపోయే చిరునవ్వు నీది
దరి దాటని దరహాసం నాది
నాకు హద్దులు ఉన్నాయి
బరువులు
అరువులు
బాధలు
భయాలు
సంతోషాలు, సహవాసాలు ఉన్నాయి...
అన్ని నీవల్లే...
కష్టాలు నాకు ఇష్టాలు
బాధలు నాకు బంధాలు
తడబాటు నా తోబుట్టువు
అయినా
చిరునవ్వు నా పెదవుల
తడిని
తాకుతూనే ఉంటుంది...
సమాజమా...!
నువ్వంటే నాకు
భయం
నిను వదులుకోలేని భయం అది
0 comments:
Post a Comment