కవిత్వం తినాలనుంది...!

ఏంటో ఇవాళ
బొత్తిగా సమయం కదలటం లేదు

మనసంతా ఇరుకుగా
శరీరం కరుగుతున్నట్టుగా

నువ్వైనా రావచ్చుగా
కవి..!
నాలోకి పరకాయం
చేయకూడదు

నాలుగు అక్షరాలు పిండి కలిపి
పదాల వడియాలు
ఆరబెట్టి
కాగితపు
నూనెలో వేయించి
కవిత్వాలను తినాలనుంది...

నువ్వంతేనోయ్..
ఒట్టి స్వార్థపరుడివి
నీక్కావలిస్తే
మట్టుకు
రవికి తెలియని చోటుని కూడా
కాజేస్తావు...

ఏం
నాబోటి వారిని కాస్త
పట్టించుకోవచ్చుగా...
నేను
పామరుడనే
అందుకే నిను రమ్మంటున్నా..!
నా మనసుని
పావనం చేయమని...

ఇది నా ఆర్థి
నా ప్రార్థన

తప్పుంటే క్షమించు కవి
ఎంతైనా
నేను నీ వాడినేగా.....