చీకటి ప్రపంచం

చీకటిలాగా ఉండగలనా...!
నిశ్శబ్దంగా
నిర్జీవంగా

ధూళిని భుజాన వేసుకుని
గాలిని బలంగా పీల్చుకుంటూ
నాలో నేనే ఎన్నో మాట్లాడుకుంటూ
స్వార్థ ప్రపంచం నుంచి దూరంగా నడుస్తాను..
ఎవరికి వాళ్ళే మాయమైపోతుంటారు
నిస్వార్థపూరితంగా మోసం చేసుకుంటూ
అవసరానికి హత్తుకుంటూ
అది ఎలానో నేర్చుకోవాలి...

చీకటిలా ఉండాలి
నిశ్శబ్దంగా 
నిర్మలంగా

ఒక్క క్షణమైన
జీవితానికి సరిపడా దాచేసుకుంటాను...

అంతా శూన్యం
మరో జీవిలేని ఓ కొత్త ప్రపంచం కావాలేమో..
నేను భూమి ఆకాశం
అడవి సముద్రం
సూర్యుడులేని చీకటి ప్రపంచం

చీకటిలా పడుకోవాలి
నిశ్శబ్దంగా
నిస్సత్తువగా...