అతడు నిషిద్ధ వస్తువవుతాడేమో
కొన్నాళ్ళకో లేదూ ఇంకొన్నేళ్ళకో లేదూ ఇంకో క్షణంలోనో
గోరువెచ్చటి నదొకటి అతనిదేహంపై అల్లుకుపోతేనో
సమూహమేదీ అతని చుట్టూరా చేరనపుడో
అతనాలోచనల సముద్రమంతా గాజుముక్కలుగా పగిలినపుడో
విషాదాలను విడమర్చుకుంటూ నిషిద్ధ వస్తువవుతాడు
నడిరాత్రి ఏ ఖాళీనో పూరించడానికి ఉదయిస్తాడనుకుంటా చీకటి కాగితాలవెనక
నునులేత చేతుల్తో గదంతా పరుచుకున్న పరికరాలు నింపుకుని
రేపటి కూడికలెన్నిటినో విత్తుతూపోతుంటాడు
నిన్నటివి ఇవాళ్టివి చచ్చిపోతున్నట్టుగా అతనికేంతెలుసు
విత్తుతూపోవడమంటే పంచుతూ పోవడమనీ, లోపలితనమేదో దాచుకుంటూ పోవడమనొకటే తెలుసతనికి
హఠాత్తుగా ఏ అసందర్భ అసమయాల్లోనో నిషిద్ధమైపోతాడు
అతన్నెవరూ ఏమీ అనలేదు అసలతన్నెవరూ మాటగానైనా కదిలించి వుండరు
అతడికతడే నిషిద్ధ వస్తువుగా పునఃనిర్మితమైపోగలడు
అంతటి కఠినత్వం అతనిలోకెలా వెళ్ళిందనేది ఎప్పటికిదొరకని మరో నిషిద్ధ విషయమే...
అతడెప్పుడూ నిషిద్ధమనేదాన్ని తెలిసికొనివుండడు
నిర్యాణమో విధ్వంసమో జరిగిపోవాలనీ అనుకొని వుండివుండడు
తయారుచేయడమెలాగో తెలియక నడుస్తున్నట్టుగా వుందతడికి
లేకపోతే మళ్ళీ వెలుగురేఖలతో నిండే సమయానికి దేనికోసం వెతుకుతున్నట్టు
మట్టికోసమేనా ఇప్పుడు ఎప్పుడూ దొరకని ఆ మట్టికోసమేనా
మట్టిని చూసినవాడు మట్టిలో నడిచినవాడు మట్టిపైనే పడుకొన్నవాడు
అతడొక్కడే మట్టికి దొరికే మట్టిలాంటివాడయ్యుంటాడు
ఎవరికి అక్కరలేని మట్టిపై ఇంకో అతడికోసం వెంపర్లాడ్డం తప్ప ఏమీ ఉండదు
అందుకే అతడొక నిషిద్ధ వస్తువు అవగలిగాడు
కొన్నాళ్ళకో లేదూ ఇంకొన్నేళ్ళకో లేదూ ఇంకో క్షణంలోనో
గోరువెచ్చటి నదొకటి అతనిదేహంపై అల్లుకుపోతేనో
సమూహమేదీ అతని చుట్టూరా చేరనపుడో
అతనాలోచనల సముద్రమంతా గాజుముక్కలుగా పగిలినపుడో
విషాదాలను విడమర్చుకుంటూ నిషిద్ధ వస్తువవుతాడు
నడిరాత్రి ఏ ఖాళీనో పూరించడానికి ఉదయిస్తాడనుకుంటా చీకటి కాగితాలవెనక
నునులేత చేతుల్తో గదంతా పరుచుకున్న పరికరాలు నింపుకుని
రేపటి కూడికలెన్నిటినో విత్తుతూపోతుంటాడు
నిన్నటివి ఇవాళ్టివి చచ్చిపోతున్నట్టుగా అతనికేంతెలుసు
విత్తుతూపోవడమంటే పంచుతూ పోవడమనీ, లోపలితనమేదో దాచుకుంటూ పోవడమనొకటే తెలుసతనికి
హఠాత్తుగా ఏ అసందర్భ అసమయాల్లోనో నిషిద్ధమైపోతాడు
అతన్నెవరూ ఏమీ అనలేదు అసలతన్నెవరూ మాటగానైనా కదిలించి వుండరు
అతడికతడే నిషిద్ధ వస్తువుగా పునఃనిర్మితమైపోగలడు
అంతటి కఠినత్వం అతనిలోకెలా వెళ్ళిందనేది ఎప్పటికిదొరకని మరో నిషిద్ధ విషయమే...
అతడెప్పుడూ నిషిద్ధమనేదాన్ని తెలిసికొనివుండడు
నిర్యాణమో విధ్వంసమో జరిగిపోవాలనీ అనుకొని వుండివుండడు
తయారుచేయడమెలాగో తెలియక నడుస్తున్నట్టుగా వుందతడికి
లేకపోతే మళ్ళీ వెలుగురేఖలతో నిండే సమయానికి దేనికోసం వెతుకుతున్నట్టు
మట్టికోసమేనా ఇప్పుడు ఎప్పుడూ దొరకని ఆ మట్టికోసమేనా
మట్టిని చూసినవాడు మట్టిలో నడిచినవాడు మట్టిపైనే పడుకొన్నవాడు
అతడొక్కడే మట్టికి దొరికే మట్టిలాంటివాడయ్యుంటాడు
ఎవరికి అక్కరలేని మట్టిపై ఇంకో అతడికోసం వెంపర్లాడ్డం తప్ప ఏమీ ఉండదు
అందుకే అతడొక నిషిద్ధ వస్తువు అవగలిగాడు
0 comments:
Post a Comment